புதுச்சத்திரம்: புதுச்சத்திரம் அடுத்த பூண்டியாங்குப்பம் முத்தாலம்மன் கோவில் புதுப்பித்து மகா கும்பாபிஷேகம் நேற்று நடந்தது.இதையொட்டி 26ம் தேதி காலை 10 மணிக்கு அனுக்ஞை, கணபதி ஹோமம், நவக்கிரக ஹோமம், லட்சுமி ஹோமம், மகா பூர்ணாஹூதியுன் முதல் கால பூஜைகள் நடந்தது. 27ம் தேதி காலை 2ம் கால பூஜை, அன்று மாலை 3ம் காலை பூஜைகள் செய்து மகா தீபாராதனை நடந்தது. நேற்று (28ம் தேதி) காலை 7 மணிக்கு விநாயகர் பூஜை, புண்யாகவாசனம், 4ம் கால யாக பூஜைகள் செய்யப்பட்டு மகா பூர்ணாஹூதி, தீபாராதனை நடந்தது. பின், கடம்புறப்பாடாகி, 10.15 மணிக்கு கோவில் விமானம் கும்பாபிஷேகம், முத்தாலம்மன் மற்றும் பரிவார தெய்வங்களுக்கு மகா கும்பாபிஷேகம் நடந்தது. கும்பாபிஷேகத்தில் பூண்டியாங்குப்பம் சுற்றுப் பகுதியை சேர்ந்த 1000 த்திற்கும் மேற்பட்ட பொது மக்கள் தரிசனம் செய்தனர். கோவில் நிர்வாகம் சார்பில் அன்னதானம் வழங்கப்பட்டது.