காரிமங்கலம்: காரிமங்கலம் மலைக்கோவிலில், ஐப்பசி பவுர்ணமியை முன்னிட்டு, அன்னாபிஷேகம் இன்று (அக்., 29) மாலை நடக்கிறது.காரிமங்கலம், அபித குஜாம்பாள் சமேத அருணேஸ்வரர் கோவிலில், ஐப்பசி மாத பவுர்ணமியை முன்னிட்டு இன்று காலை ஸ்வாமிக்கு சிறப்பு அபிஷேம், அலங்காரம், பூஜைகள் நடக்கிறது. மாலை 4 மணிக்கு பக்தர்கள் கிரிவலம் செல்லும் நிகழ்ச்சியும், 5 மணிக்கு அன்னாபிஷேகமும் நடக்கிறது. பக்தர்களுக்கு பிரசாதம் வழங்கப்படுகிறது.ஏற்பாடுகளை அ.தி.மு.க., மாவட்ட செயலாளர் எம்.எல்.ஏ., அன்பழகன் குருக்கள் பிரகாஷ் மற்றும் ஊர் பொதுமக்கள் செய்துள்ளனர். காவேரிப்பட்டணம் அடுத்த பெண்ணேஸ்வரர் மடம், வேதநாயகி சமேத பெண்ணேஸ்வரர் கோவிலில் காலையில் ஸ்வாமிக்கு சிறப்பு அபிஷேகம், அலங்காரம், பூஜைகள் நடக்கிறது. மாலை 4 மணிக்கு பக்தர்கள் கிரிவலம் செல்லும் நிகழ்ச்சியும், 5 மணிக்கு அன்னாபிஷேகமும் நடக்கிறது. ஏற்பாடுகளை கோவில் குருக்கள் மோகன்குமார் மற்றும் ஊர் பொதுமக்கள் செய்து வருகின்றனர். தர்மபுரி கோட்டை மல்லிகார்ஜூனேஸ்வரர் கோவில், நெசவாளர் நகர் மகாலிங்கேஸ்வரர் கோவில், ஒகேனக்கல் தேசநாதேஸ்வரர் கோவில், பாலக்கோடு பால்வண்ணநாதர் கோவில் உட்பட அனைத்து சிவன் கோவில்களிலம் ஐப்பசி மாத பவுர்ணமியை முன்னிட்டு, ஸ்வாமிக்கு சிறப்பு அபிஷேகம், அலங்காரம், பூஜையும், மாலையில் அன்னாபிஷேகமும் நடக்கிறது.