பொள்ளாச்சி அருகே சூலக்கல் மாரியம்மன் கோவில் திருவிழாவில் தேரோட்டம் நடந்தது.  திரளான பக்கர்கள் தேரை வடம் பிடித்தனர்.

பொள்ளாச்சி அருகே, சூலக்கல் மாரியம்மன் கோவிலில் திருவிழாவை முன்னிட்டு, கடந்த 13ம் தேதி துவங்கி சிறப்பாக நடைபெற்று வருகிறது. விழாவில் 20ம் தேதி கிராமசாந்தி, வாஸ்து சாந்தியும், 21ம் தேதி கம்பம் நாட்டு விழா, பூவோடு எடுத்தல் நிகழ்ச்சி நடந்தது. 22ம் தேதி கொடியேற்றம் நடைபெற்று, 23ம் தேதி முதல் இன்று 28ம் தேதி வரை தினமும் காலை, 9:00 மணி மற்றும் இரவு, 8:00 மணிக்கு அம்மன் திருவீதி உலா நடக்கிறது. விழாவில் இன்று (30ம் தேதி) மாலை, 4:30 மணிக்கு தேரோட்டம் நடைபெற்றது. ஏராளமான பக்தர்கள் கலந்து கொண்டு தேரை வடம் பிடித்தனர். நாளை 31ம் தேதி மாலை, 4:30 மணிக்கு இரண்டாம் நாள் தேரோட்டமும், ஜூன் 1ம் தேதி மாலை, மூன்றாம் நாள் தேரோட்டமும் நடக்கிறது.