ஆர்.எஸ்.மங்கலம்; ஆர்.எஸ்.மங்கலம் அருகே பாரனூர் மாசாணி அம்மன் கோயில் பூக்குண்டம் திருவிழா ஜூன் 19 ல் மயான பூஜையுடன் துவங்கியது. விழாவின் தொடர்ச்சியாக நேற்று காலை 10:00 மணிக்கு ஆத்தியடியான் கோயிலில் இருந்து பால்குடம் எடுத்துச் சென்ற பக்தர்கள் மூலவர் அம்மனுக்கு பால் அபிஷேகம் செய்து வழிபாடு செய்தனர். தொடர்ந்து, மாலையில் தீச்சட்டி எடுத்தல் நிகழ்வும் , இரவில் பூ குண்டம் வளர்க்கும் நிகழ்வுகளும் நடைபெற்றது. இதில் பக்தர்கள் முளைப்பாரி எடுத்தும், தீ மிதித்தும் நேர்த்திக்கடன் நிறைவேற்றுகின்றனர். அதைத் தொடர்ந்து கொடிமரம் இறக்குதலுடன் விழா நிறைவடைகிறது.