ஏரல்; குரங்கணி முத்துமாலை அம்மன் கோயில் ஆனிப் பெருந்திரு விழாவை முன்னிட்டு நேற்று கோயிலில் கால் நாட்டு நிகழ்ச்சி நடந்தது. தென் மாவட்டங்களில் புகழ்பெற்ற கோயில்களில் ஒன்றான குரங்கணி முத்துமாலை அம்மன் கோயிலின் இந்தஆண்டு ஆனி பெருந்திருவிழா வரும்16ம்தேதி நடக்கிறது. இதைமுன்னிட்டு நேற்று கோயிலில் கால்நாட்டப்பட்டது. மதியம்1:00 மணிக்கு சிறப்பு அலங்காரம் மற்றும் சிறப்பு பூஜையை தொடர்ந்து ஊர் பெரியவர்கள், பக்தர்கள் முன்னிலையில் கால் நாட்டப்பட்டது. இதில் சென்னை, கோவை, குரங்கணி வாழ் நாடார் சங்கத்தினர். சுற்றுவட்டார கிராம மக்கள், ஏரல் பகுதி பொதுமக்கள் மற்றும் வியாபாரிகள் குரங்கணி 60 பங்கு நாடார் 

பொதுமக்கள் உட்பட ஆயிரக்கணக்கானோர்கலந்து கொண்டனர். 

ஆனிப்பெரும் திருவிழா சிறப்பு பூஜை: ஆனிப் பெருந்திரு விழா நிகழ்ச்சிகள் வரும்14ம்தேதி முதல் ஆரம்பமாகிறது. அன்று காலை நாதஸ்வர கச்சேரி, பக்தி பாடல்கள், வில்லிசை நடக்கிறது. 15ம்தேதி பட்டிமன்றம், இரவு இன்னிசை நிகழ்ச்சியும் நடக்கிறது. அன்று இரவு 1:௦௦ மணிக்கு சிறப்பு பூஜை மற்றும்அதைத் தொடர்ந்து ஸ்ரீநாராயண சுவாமி எழுந்தருளல் நிகழ்ச்சி நடக்கிறது. 16ம்தேதி ஆனிப் பெருந்திருவிழா அன்று மதியம் 1:௦௦ மணிக்கு சிறப்பு பூஜை நடக்கிறது. இரவு 8 மணிக்கு கயிறு சுற்றி ஆடுதல், 10 மணிக்கு மாவிளக்கு பெட்டி எடுத்து வருதல் ஆகிய நிகழ்ச்சிகளும்அன்று இரவு 1:௦௦ மணிக்கு சிறப்பு பூஜை நடக்கிறது. அதைத்தொடர்ந்து ஸ்ரீ நாராயண சுவாமி திருவீதி வலம் வரும் நிகழ்ச்சியும் நடக்கிறது. வரும்14ம்தேதி (ஞாயிற்றுக்கிழமை) காலை முதல் 17ம்தேதி (புதன்கிழமை) இரவு 9 மணி வரை கோயில் நடைதிறந்திருக்கும். திருவிழாவை முன்னிட்டு பக்தர்களுக்கு தேவையான குடிநீர், மின்சாரம் மற்றும் மருத்துவ வசதிகள் ஏற்பாடு செய்யப்பட்டு வருகிறது.  ஏற்பாடுகளை செயல் அலுவலர் கிருஷ்ணமூர்த்தி மற்றும் குரங்கணி 60 பங்கு நாடார் பொதுமக்கள் செய்து வருகின்றனர்.