காளஹஸ்தி; திருப்பதி மாவட்டம் ஸ்ரீகாளஹஸ்தி சிவன் கோயில் துணை கோயிலான திரௌபதி தேவி சமேத தர்மராஜர் சுவாமி கோயிலில் வருடாந்திர பிரம்மோற்சவத்தின் ஒரு பகுதியாக நேற்று மாலை (அக்னிகுண்ட) தீ மிதி விழா வெகு விமர்சையாக நடைபெற்றது. முன்னதாக காலை நாடக  கலைஞர்கள் துரியோதனன் , துச்சாதனன் வதம் நிகழ்ச்சியை நடத்தினர். மாலையில் தீக் குண்டம் அருகில் சிறப்பு பூஜைகள் நடந்தன. அதன் பிறகு, கோயிலின் பிரதான பூசாரி மலர் பந்து வீசினார். பிறகு, பக்தர்கள் தீ மிதித்தார்கள். விழாவில் ஏராளமான பக்தர்கள் குவிந்ததால், கோயிலில் பக்தர்கள் கூட்டம் அலைமோதியது. சிவன் கோயில் செயல் அலுவலர் என்.வி.எஸ்.என்.மூர்த்தி தலைமையில் பக்தர்களுக்கு எந்த வித அசம்பாவிதம் ஏற்படாமல் இருக்க கோவில் நிர்வாகிகள் சிறப்பு ஏற்பாடுகளை செய்துள்ளனர். பக்தர்களுக்கு சிரமம் ஏற்படாமல் உரிய முன்னெச்சரிக்கை நடவடிக்கை எடுக்கப்பட்டிருந்தனர்.