சென்னை; கோடம்பாக்கம், சாரதாம்பாள் கோவில் கும்பாபிஷேகம் இன்று விமரிசையாக நடந்தது. சிருங்கேரி ஸ்ரீசாரதா பீட சன்னிதானம் ஸ்ரீவிதுசேகர பாரதீ சுவாமிகள் பங்கேற்று கலச தீர்த்தத்தால் அபிஷேகம் செய்தார்.

சென்னையில் விஜய யாத்திரை மேற்கொண்டுள்ள சிருங்கேரி ஸ்ரீசாரதா பீட சன்னிதானம் ஸ்ரீவிதுசேகர பாரதீ சுவாமிகள் இன்று சாரதாம்பாள் கோவில் கும்பாபிஷேகத்தையும் நடத்தி வைத்தார். விஜய யாத்திரையாக சென்னை வந்துள்ள சன்னிதானம், அக்., 28 முதல், பல்வேறு ஆன்மிக நிகழ்வுகளில் பங்கேற்று வருகிறார். மயிலாப்பூர் சுதர்மா இல்லத்தில் தங்கியும், சென்னையில் உள்ள சிருங்கேரி கிளை மடங்களுக்கு விஜயம் செய்தும், பக்தர்களுக்கு ஆசியும், அருளுரையும் வழங்கி வருகிறார். ஜய யாத்திரையின் 17வது நாளான இன்று காலை கோடம்பாக்கம் ஸ்ரீசாரதாம்பாள் கோவில் கும்பாபிஷேகத்தை நடத்தி வைத்து சிருங்கேரி ஸ்ரீசாரதா பீட சன்னிதானம் ஸ்ரீவிதுசேகர பாரதீ சுவாமிகள் கலச தீர்த்தத்தால் அபிஷேகம் செய்தார். இதில் ஏராளமான பக்தர்கள் கலந்து கொண்டு தரிசனம் செய்தனர். இன்று மாலை 4:00 மணிக்கு, சென்னை விஜய யாத்திரையை நிறைவு செய்து, திருப்பதி புறப்பட்டுச் செல்ல இருப்பதாக,மடத்தின் நிர்வாகிகள் தெரிவித்தனர்.