மானாமதுரை; மானாமதுரை அண்ணாமலை நகரில் உள்ள அண்ணாமலையார் விநாயகர் கோயிலில் நடைபெற்ற வருஷாபிஷேக விழாவில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.

மானாமதுரை அண்ணாமலை நகரில் உள்ள அண்ணாமலையார் விநாயகர் கோயிலில் வருஷாபிஷேக விழாவை முன்னிட்டு அதி காலை சுவாமிக்கு பால், பன்னீர்,சந்தனம், தயிர், இளநீர்,குங்குமம், பழங்கள் உள்ளிட்ட 18 வகையான பொருட்களால் திருமஞ்சனம் நடத்தப்பட்டது. இதனைத் தொடர்ந்து அர்ச்சகர் நாகமணி தலைமையில் சிவாச்சாரியார்களால் ஹோமங்கள் வளர்க்கப்பட்டு புனித நீர் அடங்கிய கடங்களுக்கு பூஜைகள் செய்த பின்னர் அபிஷேகம் நடைபெற்று சுவாமிகளுக்கு அலங்காரம் செய்யப்பட்டு ஸ்ரீ தீபாராதனைகள் பூஜைகள் நடைபெற்றது. இதனைத் தொடர்ந்து கோயில் முன்பாக அன்னதானம் வழங்கப்பட்டது. விழாவிற்கான ஏற்பாடுகளை அண்ணாமலை நகர் குடியிருப்போர் நல சங்க நிர்வாகிகள் மற்றும் பொதுமக்கள் செய்திருந்தனர். விழாவில் மானாமதுரை சுற்று வட்டார பகுதிகளை சேர்ந்த ஏராளமான பக்தர்கள் கலந்து கொண்டனர்.