திருப்போரூர்; திருப்போரூர் கந்தசுவாமி கோவிலில் சஷ்டியை முன்னிட்டு, சிறப்பு பூஜைகள் நடந்தன. முருகனுக்கு உகந்த நாளான செவ்வாய்க்கிழமையுடன் சஷ்டி வந்ததால், இக்கோவிலில் இன்று காலை முதலே, பக்தர்கள் கூட்டம் அலைமோதியது. அலகு குத்துதல், மொட்டை அடித்தல் போன்ற நேர்த்திக்கடன்களை பக்தர்கள் நிறைவேற்றினர். கோவில் வட்ட மண்டபத்தைச் சுற்றிலும் அமர்ந்து, அகல் விளக்கேற்றியும் பக்தர்கள் வழிபட்டனர். அதேபோல் நெல்லிக்குப்பம், கேளம்பாக்கம், காட்டூர் உள்ளிட்ட பகுதிகளிலுள்ள முருகன் கோவில்களிலும் சிறப்பு வழிபாடு மற்றும் பூஜைகள் நடந்தன. இதில், அந்தந்த பகுதி பக்தர்கள் பங்கேற்று, கந்த சஷ்டி கவசம் பாடி வழிபாடு செய்தனர்.