கோவை; அன்னூர் வட்டம் சர்க்கார் சாமக்குளம் - கோவில்பாளையம் பகுதியில் அமைந்துள்ள காலகாலேஸ்வரர் கோவிலில் குரு பெயர்ச்சியை முன்னிட்டு சிறப்பு யாகம் நடைபெற்றது. இதன் தொடர் நிகழ்வாக இன்று தட்சிணாமூர்த்திக்கு லட்சார்ச்சனை நடைபெற்றது. காலை 7 மணிக்கு துவங்கிய இந்த நிகழ்வானது மதியம் ஒரு மணி வரை நடைபெற்றது. இதை தொடர்ந்து மாலை 4 மணிக்கு துவங்கிய லட்சார்ச்சனை இரவு 7 மணிக்கு நிறைவுற்றது. இந்த நிகழ்ச்சியில் சிவாச்சாரியார்கள் மந்திரங்கள் முழங்க பூக்களால் லட்சார்ச்சனை செய்தனர். இதில் மூலவர் சுவாமி தட்சிணாமூர்த்தி சிறப்பு வெள்ளி கவச அலங்காரத்தில் பக்தர்களுக்கு அருள் பாலித்தார். இதில் ஏராளமான பக்தர்கள் கலந்து கொண்டு தட்சிணாமூர்த்தியை தரிசனம் செய்தனர்.