இளையான்குடி: தாயமங்கலம் கோயில் உண்டியல்கள் எண்ணப்பட்டதில் ரூபாய் 4 லட்சத்து 43 ஆயிரம் வசூலானது. இருக்கன்குடி மாரியம்மன் கோயில் உதவி கமிஷனர் தனபால், பரமக்குடி சரக ஆய்வாளர் சிவாஜி முன்னிலையில் , பரம்பரை டிரஸ்டி வெங்கடேசன் செட்டியாரால் உண்டியல்கள் திறந்து எண்ணப்பட்டது.இதில் ரொக்கம் ரூபாய் 4 லட்சத்து 43 ஆயிரத்து 785 ம் , தங்கம் 56 கிராம் இருந்தது. எண்ணிக்கையில் இளையான்குடி பாண்டியன் கிராம வங்கி பணியாளர்கள்,கீழாயூர் மகளிர் சுய உதவி குழுவினர்,கோயில் பணியாளர்கள் ஈடுபட்டனர்.