கோவை: ராம்நகர் ஸ்ரீ அய்யப்பன் பூஜா சங்க 75 வது பூஜா மஹோத்ஸவ விழாவை முன்னிட்டு ஸ்ரீ நவசண்டி ஹோமம் நடந்தது.

கோவை, அய்யப்பன் பூஜா சங்கத்தின் 75 வது பூஜா மஹோத்ஸவங்கள் டிச. 24 துவங்கி நடந்து வருகிறது. நேற்று காலை 6 மணிக்கு கிராமபிரதக் ஷனம், மஹாசங்கல்பம், மஹன்யாச ருத்ரஜெபம், 10 மணிக்கு ஸ்ரீ ருத்ரஹோமம், 11:45 க்கு அன்னதானம், 12:30 க்கு மஹாபூர்ணாஹூதி, தீபாராதனை நடந்தது. மாலை 6:15 மணிக்கு கேரளாவின் புகழ் பெற்ற நந்தகோவிந்தம் பஜனைகுழுவினரின் இசை நிகழ்ச்சி நடந்தது.இதை பக்தர்கள் மெய்மறந்து ரசித்தனர். இன்று காலை 6:30 க்கு ஸ்ரீ நவசன்டி யக்ஞ மஹா சங்கல்பம்,7:30 க்கு ஸப்தஸதி பாராயணம் நடைபெற்றது.  காலை 8 மணிக்கு ஸ்ரீ ஸீக்த ஹோமம், 9:30 க்கு ஸ்ரீ நவசண்டி ஹோமம் துவங்கியது. தொடர்ந்து 11:45 க்கு அன்னதானம், 12:30 க்கு மஹாபூர்ணாஹூதி, மதியம் 1:30 க்கு மஹா தீபாராதனையும், மாலை 6:15 மணிக்கு காந்தார ஸ்ரீ சாய்விக்னேஷ் மற்றும் வினயா கார்த்திக் ராஜனின் இசை நிகழ்ச்சி நடக்கிறது.