தென்காசி: தென்காசி பகுதியில் சுவாமி விவேகானந்தரின் 150வது ஜெயந்தி விழாவை சிறப்பாக கொண்டாட பா.ஜ.,அழைப்பு விடுத்துள்ளது. இதுகுறித்து நெல்லை மேற்கு மாவட்ட பா.ஜ.,தலைவர் குமரேசசீனிவாசன் விடுத்துள்ள அறிக்கையில் கூறியிருப்பதாவது: ""சுவாமி விவேகானந்தரின் 150வது ஜெயந்தி விழா வரும் 12ம் தேதி சிறப்பாக கொண்டாடப்படுகிறது. தென்காசி பகுதியில் இவ் விழா இளைஞர்களின் எழுச்சி தினமாக கொண்டாடப்படுகிறது. அன்று ஏழை, எளிய குழந்தைகளுக்கு நலத்திட்ட உதவிகள் வழங்கவும்,விவேகானந்தரின் திருவுருவப்படத்தை பொது இடங்களில் அலங்கரித்து வைத்து பொதுமக்கள் வணங்கவும் பா.ஜ.,வினர் நடவடிக்கை மேற்கொள்ள வேண்டும். மேலும் விவேகானந்திரின் பொன்மொழிகள் பற்றி பொதுமக்களிடம் விழிப்புணர்வை ஏற்படுத்த கட்சி மாவட்ட, நகர, ஒன்றிய, டவுன் பஞ்., கிராம பஞ்.,நிர்வாகிகள், தொண்டர்கள் முன்வர வேண்டும் என குமரேசசீனிவாசன் அறிக்கையில் கூறியுள்ளார்.