கோவை; உக்கடம் அருள்மிகு கோட்டை ஸ்ரீ முத்து மாரியம்மன் கோவில் 93-ம் ஆண்டு விழா கடந்த 18- 02.2026 கணபதி ஹோமத்துடன் துவங்கியது. தொடர்ந்து அக்னி  கம்பம் நடுதல்,உற்சவர் அம்மன் சிம்ம வாகனத்தில் திருவீதியுலா.திருவிளக்கு பூஜை ஆகியன சிறப்பாக நடைபெற்றது.தொடர்ந்து திருமாங்கல்ய பூஜை, மாவிளக்கு பூஜை ,அம்மன் ஊஞ்சல் அலங்காரம் ஆகியன நடைபெற்றது. நிகழ்வில் மாசி மாதம் மூன்றாவது வெள்ளிக்கிழமையை முன்னிட்டு மூலவர் அம்மன் சிறப்பு அலங்காரத்தில் பக்தர்களுக்கு காட்சி அளித்தார். இதில் ஏராளமான பக்தர்கள் கலந்து கொண்டனர். கலந்து கொண்ட பக்தர்களுக்கு  அன்னதானம் வழங்கப்பட்டது. இந்த விழா 28.03.2026 சனிக்கிழமையுடன் நிறைவடைகிறது. நிறைவு நாளில் மஞ்சள் நீராடுதல், வானவேடிக்கை ஆகியவையுடன் நிறைவடையும் என்று கோவில் நிர்வாகம் சார்பில் தெரிவிக்கப்பட்டுள்ளது.