கோவை; கோவையில் காவல் தெய்வம் கோனியம்மன் கோவிலில் தேரோட்டம் நடந்தது. அலங்கரிக்கப்பட்ட தேரின் நடுவே உற்சவர் கோனியம்மன் சிறப்பு புஷ்ப அலங்காரத்தில் பக்தர்களுக்கு காட்சியளித்தார்.

கோவையில் காவல் தெய்வம் என்று அழைக்கப்படும் அருள்மிகு கோனியம்மன் கோவில் 2026 .ம் ஆண்டு தேர் திருவிழா கடந்த ஜனவரி மாதம் 28-01-2026 அன்று தேர் முகூர்த்தக்கால் நிகழுடன் துவங்கியது.தொடர்ந்து 17.02.2026 அன்றுபூச்சாட்டுதல் நிகழ்ச்சி,கிராம சாந்தி ஆகியன நடந்தது. 24.02-2026 அன்று கொடியேற்றம் |அக்னிசாட்டு ஆகியன நடைபெற்றது.நாள்தோறும் அம்மன் திருவீதியுலா நகர வீதிகளில் பவனி வந்தார்.இதில் புலி வாகனம் |கிளி வாகனம்,சிம்ம வாகனம்,அன்ன வாகனம்,காமதேனு வாகனம்,வெள்ளை யானை வாகனம் ஆகிய வாகனங்களில் உற்சவர் அம்மன் காட்சி அளித்தார்.தொடர்ந்து திருவிளக்கு வழிபாடு திருக்கல்யாண வைபவம் ஆகிய நடைபெற்றது.தேரோட்டத்தின் நாளான புதன்கிழமை 04-03 2026 அன்று கோவை ராஜவீதி தேர் திடலில் பொதுமக்கள் தேரின் சக்கரத்திற்கு உப்பு -மிளகு ஆகியன இறைத்து வழிபட்டனர். தொடர்ந்து மதியம் 2 - 30 மணியளவில் தேரானது பூஜை செய்யப்பட்டு கோவை நகர வீதிகளில் வலம் வந்தது.இதில் ஆயிரக்கணக்கான பக்தர்கள் கலந்து கொண்டு தேரின் வடம் பிடித்து இழுத்தனர்.தேரோட்டத்தை காண கோவை, திருப்பூர், அவிநாசி. அன்னூர், பொள்ளாச்சி, உடுமலை, உதகை ஆகிய பகுதிகளில் இருந்து ஏராளமான பொதுமக்கள் கலந்து கொண்டனர்.தேர் தேர் வலம் வரும் வீதிகளில் பொதுமக்களுக்கு அன்னதானம் நீர்மோர் குடி தண்ணீர் ஆகியன வழங்கப்பட்டது.