சின்னசேலம்: சின்னசேலம் கன்னிகா பரமேஸ்வரி அம்மன் கோவிலில் நேற்று ஜனன உற்சவத்தையொட்டி சுவாமிக்கு தங்க கவசம் அணிவித்து சிறப்பு பூஜை நடந்தது.

சின்னசேலம் கன்னிகா பரமேஸ்வரி அம்மன் கோவிலில் ஜனன உற்சவத்தையொட்டி, நேற்று காலை 6:00 மணிக்கு செல்வ விநாயகர் கோவிலில் இருந்து பக்தர்கள் பால்குடம் ஏந்தி, தேரோடும் வீதிகள் வழியாக சென்று சன்னதி அடைந்தனர். அங்கு, சுவாமிக்கு 108 வலம்புரி சங்கு மற்றும் 27 வகையான திரவியங்களால் அபிஷேகம் நடந்தது. பகல் 1:00 மணிக்கு நவரத்தின கல் அங்கி அணிவித்து, மாவிளக்கு பூஜைகள் செய்து, மகாதீபாராதணை காண்பித்து வழிபாடு நடந்தது. பூஜைகளை கோவில் குருக்கள் ஜெயக்குமார் செய்து வைத்தார். இரவு சுவாமி திருவிதியுலா நடந்தது. கோவில் நிர்வாகத் தலைவர் ரவீந்திரன், முன்னாள் வாசவி கிளப் கவர்னர் ஆதிசேஷன், மகிளா விபாக் தலைவி மணிமேகலை உள்ளிட்ட நிர்வாகிகள் அனைவரும் பங்கேற்றனர்.