திட்டக்குடி: திட்டக்குடி அடுத்த திருவட்டத்துறை திரிபுரசுந்தரி உடனுறை தீர்த்தபுரீஸ்வரர் கோவில், நடராஜருக்கு சித்திரை திருவோணம் சிறப்பு வழிபாடு நடந்தது.

இதையொட்டி, நேற்று காலை 9:00 மூலவர் சுவாமிகளுக்கு சிறப்பு அபிேஷகம், தீபாராதனை நடந்தது. தொடர்ந்து, காலை 10:00 மணியளவில் பிரகாரத்தில் உள்ள நடராஜர், சிவகாமசுந்தரி சுவாமிக்கு பால், தயிர், சந்தனம், தேன், பன்னீர், இளநீர், திரவியப்பொடி ஆகியவைகளால் சித்திரை திருவோணம் அபிஷேகம் நடந்தது. சிறப்பு அலங்காரம் செய்யப்பட்டு 10:45 மணியளவில் மகா தீபாராதனை காண்பிக்கப்பட்டது. ஏராளமானோர் தரிசனம் செய்தனர்.

இதேபோன்று, பெண்ணாடம் பிரளயகாலேஸ்வரர் கோவில், இறையூர் தாகம் தீர்த்தபுரீஸ்வரர், திட்டக்குடி வைத்தியநாத சுவாமி ஆகிய கோவில்களில் உள்ள நடராஜருக்கு சித்திரை திருவோணம் வழிபாடு நடந்தது.