ஸ்ரீ காளஹஸ்தி; திருப்பதி மாவட்டம், ஸ்ரீகாளஹஸ்தி சிவன் கோவிலில் இன்று சஹஸ்ர கலசாபிஷேகம் நிகழ்ச்சி மிகுந்த  பக்தியுடன் நடைபெற்றது. கோவிலில் ஆயிரம் மண் குடங்களால் அபிஷேகம் நடைபெற்றது.  மரண வேதனையில் இருப்பவர்களுக்கு நிவாரணம் வேண்டி அபிஷேகங்களும் ஹோமங்களும் செய்யப்படுகின்றன. ம்ருத்யுஞ்ச சுவாமிக்கு சுமார் 12 ஆண்டுகளுக்கு பின்னர் மழைக்காக அபிஷேகங்கள் நடைபெற்றது  கோவில் பதிவுகளின் படி, கடந்த 2015 ஜூலை 28 அன்று சகஸ்ர கலசாபிஷேகம்  செய்யப்பட்டது.

 "ஓ பரமேஸ்வரனே, எங்களை வறுமையின் நிலையிலிருந்து காப்பாற்று! என பூஜைகளும் அபிஷேகங்களும் செய்வது பாரம்பரியம்.  ம்ருத்யுஞ்சய சுவாமி சன்னதி முன்புறம்  8 அடி உயரமுள்ள சிவலிங்கத்திற்கு  சொர்ணமுகி ஆற்றிலிருந்து 1008 மண் குடங்களில் மோட்ச கோபுரத்தின் வழியாக தண்ணீர் கொண்டு வந்து, கோயில் அர்ச்சகர்கர்கள் லிங்கம் மூழ்கும் வரை அபிஷேகம் செய்வார்கள். சன்னதியின் மேலிருந்து இது கோயில் கட்டும்போதே இவ்வாறு அபிஷேகம் செய்ய, திட்டமிடப்பட்டுள்ளது.  

முன்னதாக சாஸ்திரங்களின்படி சிறப்பு பூஜைகள் செய்யப்பட்டு பின்னர், மண் குடங்களால் தண்ணீர் கொண்டு வரப்பட்டு நிரப்பப்பட்டது. இது ஒரு நாள் முழுவதும் அப்படியே வைக்கப்படும். மண் சுவர் உருகும் போது, ​​மேகங்கள் மழையாகப் பொழியத் தொடங்கும் என்று நம்பப்படுகிறது. சஹஸ்ர கலசாபிஷேகத்தை முன்னிட்டு கோவில் வளாகத்தில் வேத மந்திரங்கள் முழங்க இறைவனுக்கு சிறப்பு அபிஷேகமும் பூஜை நிகழ்ச்சிகள் நடத்தப்பட்டன. ஏராளமான பக்தர்கள் இந்த புனித நிகழ்ச்சியில் கலந்துகொண்டு இறைவனின் ஆசிகளைப் பெற்றனர். 

இந்நிகழ்ச்சியில் பேசிய கோயில் அதிகாரிகள், உலக நன்மைக்காகவும்,  மக்களின் மகிழ்ச்சி, சரியான நேரத்தில் மழை, செழிப்பான வளம் மற்றும் மாநிலத்தின் வளம் ஆகியவற்றை வேண்டி, சகஸ்ர கலசாபிஷேகம் நடத்தப்பட்டதாகக் கூறினர். நிகழ்ச்சிக்குப் பிறகு, பக்தர்களுக்குத் தீர்த்தப் பிரசாதம் வழங்கப்பட்டது.