ஸ்ரீவில்லிபுத்துார்: ஸ்ரீவில்லிபுத்துார் ஆண்டாள் கோயில் வடபத்ரசாயி கோயிலில் புரட்டாசி பிரம்மோற்ஸவம் ஒன்பதாம் நாளில் செப்பு தேரோட்டம் நடந்தது. இதனை முன்னிட்டு இன்று காலை 5:40 மணிக்கு மேல் பெரிய பெருமாள், ஸ்ரீதேவி, பூமாதேவி செப்பு தேருக்கு எழுந்திருந்தனர். அங்கு சிறப்பு பூஜைகள் நடந்தது. பின்னர் காலை 7:00 மணிக்கு கோவிந்தா, கோபால கோஷத்துடன் பக்தர்கள் வடம் பிடித்து இழுத்தனர். தேர் நான்கு ரத வீதிகளில் வலம் வந்து 45 நிமிடங்களில் நிலையம் சேர்ந்தது. திரளான பக்தர்கள் சுவாமி தரிசனம் செய்தனர். விழா ஏற்பாடுகளை கோயில் பட்டார்கள், அறநிலைத்துறையினர் செய்திருந்தனர்.