திருச்சி; கே.கே.நகரில் அருள்பாலிக்கும், அலமேலுமங்கை சமேத ஸ்ரீனிவாச பெருமாள் கோவிலில் ஆண்டுதோறும் புரட்டாசி மாதம் பிரம்மோற்சவவிழா நடைபெறுவது வழக்கம். அந்த வகையில் 26ம் ஆண்டாக பிரம்மோற்சவவிழா கடந்த 15-ந்தேதி கொடியேற்றத்துடன் தொடங்கியதுடன், தினசரி ஸ்ரீநிவாச பெருமாள் பல்வேறுவாகனங்களில் எழுந்தருளி திருவீதிஉலாவரும் வைபவமும், சிறப்பு அபிஷேக ஆராதனைகளும் நடைபெற்றுவந்தது. இதனைத் தொடர்ந்து பிரம்மோற்சவத்தின் முக்கிய நிகழ்வான திருத்தேரோட்டம் நேற்று காலை வெகுவிமர்சியாக நடைபெற்றது, இதையொட்டி காலை 9 மணியளவில் ஸ்ரீநிவாசபெருமாள் அலமேலு மங்கை சமதராக திருத்தேரில் எழுந்தருளினார்.

அதனைத் தொடர்ந்து, 9.40மணிக்கு கோவிந்தா கோவிந்தா என்ற முழக்கத்துடன் திரளான பக்தர்கள் பங்கேற்று திருத்தேரை வடம்பிடித்து இழுத்துச்சென்று வழிபட்டனர். தேரானது கோவில் வளாகத்தில்இருந்துபுறப்பட்டு 4 மாடவீதிகளிலும் வலம்வந்து பின்னர் நிலையை அடைந்தது. இதனை தொடர்ந்து பக்தர்கள் பக்தர்கள் சீனிவாச பெருமாளுக்கு அர்ச்சனை செய்து வழிபட்டனர், தேரோட்டத்தில் பங்கேற்ற பக்தர்களுக்கு அன்னதானம் மற்றும் பிரசாதமும் வழங்கப்பட்டது.  விழாவில் திருச்சிஸ்ரீ காளிதாஸ் குழுவினரின் நாதஸ்வர இசையும் நடைபெற்றது. நிகழ்ச்சி ஏற்பாடுகளை கோவில்விழா கமிட்டியினர் செய்திருந்தனர்.