திருப்புல்லாணி: திருப்புல்லாணி ஆதி ஜெகநாத பெருமாள் கோயிலில் நவராத்திரி உற்ஸவம் ஒவ்வொரு ஆண்டும் கோலாகலமாக கொண்டாடப்படுகிறது. அக்., 11 முதல் 20 வரை நவராத்திரி உற்ஸவம் நடக்க உள்ளது. உற்ஸவ தினத்தன்று தினந்தோறும் காலை 10:00 மணிக்கு மேல் பத்மாஸனி தாயாருக்கு விசேஷ திருமஞ்சனம் சாற்றுமுறை கோஷ்டி பாராயணம் நடக்க உள்ளது. தொடர்ந்து இரவு 7:00 மணிக்கு ஊஞ்சல் சேவையும் நடக்கிறது. விஜயதசமி அன்று ஆதிஜெகநாத பெருமாள் குதிரை வாகனத்தில் எழுந்தருளி அம்பு எய்யும் நிகழ்ச்சியும் நடக்கிறது. விழா ஏற்பாடுகளை ராமநாதபுரம் சமஸ்தான நிர்வாகத்தினர் செய்து வருகின்றனர்.