விழுப்புரம்:

பாலமுருகன் கோவிலில் புரட்டாசி மாத கிருத்திகை வழிபாடு நடைபெற்றது. விழுப்புரம் சாலாமேடு என்.ஜி.ஜி.ஓ., குடியிருப்பில் பாலமுருகன் கோவில் அமைந்துள்ளது.
இந்த கோவிலில் உள்ள மூலவர், உற்சவருக்கு புரட்டாசி மாத கிருத்திகையை யொட்டி, நேற்று மாலை 4:00 மணிக்கு சிறப்பு அபிஷேகம், ஆராதனை நடைபெற்றது.பின், மூலவர் பால முருகன், 5:30 மணிக்கு ராஜ அலங்காரத்தில் பக்தர்களுக்கு அருள்பாலித்தார். இதையடுத்து, உற்சவர் சிறிய தேரில் கோவில் உட்பிரகாரத்தை வலம் வரும் நிகழ்ச்சி நடைபெற்றது. 6:00 மணிக்கு தீபாராதனையும், தொடர்ந்து, பக்தர்களுக்கு பிரசாதமும், வினியோகம் செய்யப்பட்டது. இதில் ஏராளமான பக்தர்கள், கலந்து கொண்டு தரிசனம் செய்தனர்.

வால்பாறை:

சுப்ரமணிய சுவாமி கோவிலில் நடந்த புரட்டாசி மாத கிருத்திகை பூஜையில் பக்தர்கள் திரளாக கலந்து கொண்டனர். புரட்டாசி மாதம் கிருத்திகை நாளான நேற்று, வால்பாறை நகரில் உள்ள சுப்ரமணிய சுவாமி கோவிலில் காலை, 5:00 மணிக்கு கணபதி ேஹாமம், 6:00 மணிக்கு பால், இளநீர், பன்னீர், திருநீறு உள்ளிட்ட, 16 வகையான திரவியங்களை கொண்டு சிறப்பு அபிஷேக பூஜை நடந்தது. அதனை தொடர்ந்து, காலை, 8:00 மணிக்கு சிறப்பு அலங்கார பூஜையும் நடந்தன.

முடீஸ் சுப்ரமணிய சுவாமி கோவில், வாட்டர்பால்ஸ் பாலமுருகன் கோவில் உள்ளிட்ட பல்வேறு கோவில்களில் புரட்டாசி கிருத்திகை பூஜையையொட்டி நேற்று காலை சிறப்பு அபிஷேக, அலங்கார பூஜைகள் நடைபெற்றன. பூஜையில் கலந்து கொண்ட பக்தர்களுக்கு பிரசாதம் வழங்கப்பட்டது.

திருப்போரூர்

திருப்போரூர் கந்தசுவாமி கோவிலில், புரட்டாசி மாத கிருத்திகை விழாவையொட்டி, வள்ளி – தெய்வானையுடன், சிறப்பு அலங்காரத்தில் எழுந்தருளிய முருகர், பக்தர்களுக்கு அருள்பாலித்தார்.