வடலூர்: வடலூரில் வள்ளலார் பெருநிலை பெருவிழா மாநாடு நடந்தது.

வள்ளலார் கொள்கை பரப்பு மன்றம் சார்பில் நடந்த மாநாட்டிற்கு, டி.ஆர்.எம் சாந்தி பர்னீச்சர் உரிமையாளர் மாரியப்பன் தலைமை தாங்கினார். ஞானாலயா வள்ளலார் கோட்டம் திருஞானந்த சுவாமிகள் மாநாட்டை துவக்கி வைத்தார். மாநாட்டு குழு தலைவர் ஆனந்தன், சன்மார்க்க சங்க தலைவர் பாரிவள்ளல், தலைமையாசிரியர் முருகன், செந்தில், வடிவேலு, கருங்குழி பாலமுருகன், மேட்டுக்குப்பம் ஜோதி பிரசாத் முன்னிலை வகித்தனர். விழுப்புரம் சரக டி.ஐ.ஜி., அருளரசு, ஜெயப்பிரியா குரூப்ஸ் நிறுவனர் ஜெய்சங்கர் பேசினர். மாநாட்டில் எளியோருக்கு நலத்திட்ட உதவி, தொடர் அன்னதானம், திருவருட்பா இன்னிசை நிகழ்ச்சி, அகவல் ஓதுதல், சன்மார்க்க சொற்பொழிவு, பரதநாட்டியம், வில்லுப்பாட்டு, சன்மார்க்க பேருரை மற்றும் பேருபதேசம் வாசித்தல் நடந்தன. தமிழ்நாடு மாநில வள்ளலார் பேரவை தலைவர் சுவாமி பத்மேந்திரா, வாசுதேவநல்லூர் வள்ளலார் சன்மார்க்க பேரவை பண்டாரம் செந்தில்குமார், பேராசிரியர் வீரமுத்து, சிவராஜ், கண்ணபிரான் உள்ளிட்டோர் கலந்து கொண்டனர்.