திருப்போரூர்: செம்பாக்கம் ஸ்ரீ பாலா திரிபுர சுந்தரி அம்மன் கோவிலில் வாராகி நவராத்திரி விழாவையொட்டி, மூன்றாம் நாள் உத்சவம் இன்று விமரிசையாக நடந்தது.

திருப்போரூர் அடுத்த செம்பாக்கத்தில், பிரசித்தி பெற்ற ஸ்ரீ பாலா திரிபுர சுந்தரி அம்மன் கோவில் உள்ளது. இக்கோவிலில் 2016ம் ஆண்டு, 9 அடி மூலிகை அம்மன் பிரதிஷ்டை செய்யப்பட்டு, கும்பாபிஷேகம் நடைபெற்றது. மூலவர் திரிபுர சுந்தரி அம்மனை திருச்செந்துார் போன்று ஆண் பக்தர்கள் சட்டைகளை அணியாமல் படிக்கட்டுகளில் ஏரி சென்று அம்மனை வழிபாடு செய்கின்றனர். ஆண்டுதோறும் புரட்டாசி மாதம் நவராத்திரி விழா விமரிசையாக நடத்தப்படுவது வழக்கம். அதன்படி, இந்தாண்டு, நவராத்திரி விழா அக்.11 ம் தேதி, கொடியேற்றத்துடன் தொடங்கியது. மூன்றாம் நாள் உத்சவமான நேற்று, அம்மனுக்கு சாலை பூஜை நடத்தப்பட்டது. வாராகி தோற்றத்தில் எழுந்தருளிய அம்மன் பக்தர்களுக்கு அருள்பாலித்தார்.