*சிவபெருமானின் அவதாரமே சுப்பிரமணியர். ஒரே பரம்பொருளின் பல்வேறு தோற்றங்களே பல பெயர்களில் தெய்வங்களாக வணங்கப்படுகின்றன.
*கந்தனும் கண்ணனும் ஒருவரே. இதனை கிருஷ்ணர் பகவத்கீதையில், சேனைத் தலைவர்களுள் நான் ஸ்கந்தன் என்று குறிப்பிடுகிறார்.
*அதர்மத்தை அழித்து தர்மத்தை நிலைநாட்ட பல பெயர்களும், வடிவங்களும் தாங்கி கடவுள் அவ்வப்போது அவதாரம் செய்கிறார். அதில் சிவனின் உணர்விலிருந்து உதித்த ஒரு கதிரே முருகன்.
*வள்ளியும் தெய்வானையும் முருகனின் இரு துணைவியர். அவர்கள் கிரியாசக்தியையும் (செயல்பாட்டையும்), ஞானசக்தியையும் (வாழ்க்கை இன்னது தான் என்று அறியும் அறிவு) குறிக்கின்றனர்.
*அறியாமை தாண்டவமாடும் இந்தக் கலியுகத்தில் எளிதில் நெருங்கவல்லவராக இருப்பவர் கந்தன். வீர அனுமானிலிருந்து எவ்விதத்திலும் வேறுபட்டவர் அல்ல இவர்.
*முருகன் மீது சிறிதளவு பக்தி செலுத்தினால் கூட, செய்யும் ஒவ்வொரு செயலிலும் வெற்றியைத் தருவதோடு வாழ்வில் செல்வவளமும், ஆன்மிக சுபிட்சமும் வழங்குகிறார்.
*தமிழ்க்கடவுளாகப் போற்றப்படுபவர் முருகன். குகன், கந்தன், குமரேசன், கார்த்திகேயன், சண்முகன், சுப்பிரமணியன், வேலாயுதன் என்பதெல்லாம் அவருக்குரிய பெயர்கள்.
*முருகனுக்கு சரவணபவன் என்றும்பெயருண்டு. நாணல் காட்டில் உதித்தவர் என்பது பொருள். இவரே தேவர்களின் தலைவனாகவும், தாரகாசுர சம்ஹாரனாகவும் விளங்கினார்.
*முருகனின் திருவடியில் இருக்கும் பாம்பு, முருகன் அச்சமில்லாதவர், அழியாத ஞானம் கொண்டவர் என்பதன் குறியீடாகும்.
*ஞானம், வைராக்கியம், பலம், புகழ்,செல்வம், தெய்வீக சக்தி ஆகிய ஆறு குணங்களைக் கொண்டவர் என்பதால் முருகன் ஆறு முகங்களோடு காட்சியளிக்கிறார்.
*இலங்கையிலுள்ள கதிர் காமத்தில், பக்தியுடன் விரதம் மேற்கொள்பவருக்கு முருகனை நேரில் தரிசிக்கும் பாக்கியம் உண்டாகும்.
*பழநியில் முருகனை தரிசித்தால் தீராத நோய் கூட தீர்ந்து போகும். நட்சத்திரத்தில் கார்த்திகையும், திதியில் வளர்பிறை சஷ்டியும் முருக விரதத்திற்கு உகந்தவை.
*நக்கீரர் பாடிய திருமுருகாற்றுப்படையைப் பக்தியுடன் படிப்போருக்கு தொட்டதெல்லாம் துலங்கும். முயற்சிகளில் வெற்றி கிடைக்கும்.
*அருணகிரிநாதரின் திருப்புகழ் பாடல்கள், காவடிச்சிந்து, கந்த சஷ்டிக்கவசம் ஆகிய பாடல்கள் தினமும் பாடுவதற்கு ஏற்றவை.
*முருகபக்தர்கள் விசேஷமாகச் செய்யும் வழிபாடு காவடி. தோளில் ஒரு கம்பைக் கிடத்தி, அதன் இருமுனைகளிலும் கூடைகளைத் தொங்கவிட்டிருப்பர். பூக்களாலும், மயிற்பீலிகளாலும் அதை அலங்காரம் செய்வர்.
*பங்குனி உத்திரநாளில் முருகமந்திரமான ஓம் சரவணபவாய நம என்ற மந்திரத்தை ஜெபித்து, கந்தனே கதி என அவனுக்கு நம்மைச் சொந்தமாக்கி விட்டால், கருணைக்கடலான அவன் அருளால் எல்லா நன்மைகளும் பெருகும்.
-சிவானந்தர்