பொள்ளாச்சி: சூளேஸ்வரன்பட்டி கருப்பராயசுவாமி கோவிலில் சித்திரை மாத உற்சவ திருவிழாவை முன்னிட்டு, மே 1ம் தேதி மாவிளக்கு எடுக்கும் வழிபாடு நடக்கிறது. கடந்த 16ம் தேதி விழா துவங்கியது. தினமும் இரவு கட்டளை பூஜைகள் நடக்கின்றன. வரும் 30ம் தேதி, அதிகாலை 4.00 மணிக்கு, கொடுமுடியில் இருந்து தீர்த்தம் எடுத்து வர புறப்படுதல், மாலை 5.00 மணிக்கு காளியம்மன் கோவிலில் இருந்து தீர்த்தம் மற்றும் சுவாமிக்கு சீர்வரிசை கொண்டு வரும் நிகழ்ச்சி நடக்கிறது. வரும் 1ம் தேதி, காலை 7.00 மணிக்கு பொங்கல், மாவிளக்கு எடுத்தலும், அபிஷேக ஆராதனையும் நடக்கிறது. இரவு 7.00 மணிக்கு பொள்ளாச்சி மாரியம்மன் கோவில் இருந்து உருவாரம் எடுத்து வருதல், மறுநாள் (2ம் தேதி) இரவு 11.00 மணிக்கு கிராம சாந்தியும், 3ம் தேதி காலை 9.00 மணிக்கு திருவீதி உலா மற்றும் மஞ்சள் நீராடுதல், இரவு 7.00 மணிக்கு மகா அபிஷேகம், தீபாராதனையும் நடக்கிறது.