கண்ணில் கண்டதும் கிருஷ்ணா! கிருஷ்ணா! என்று வழிபடும் பெருமை மிக்க பறவை கருடன். இதனை பறவைகளின் அரசன் என்ற பொருளில் பட்சிராஜன் என்பர். சுவாதிநட்சத்திரத்தில் அவதரித்தார். இவரது பெற்றோர் வேதகால மகரிஷியான காஷ்யபர் மற்றும் வினதை. கருடனை ஆரம்பத்தில் வைநதேயன் என்று அழைத்தனர். இதற்கு வினதையின் மகன் என பொருள். கருட ஜெயந்தியை கருடபஞ்சமி என்றும், பட்சிராஜர் திருநட்சத்திரம் என்றும் குறிப்பிடுவர். இந்த ஆண்டு இவ்விழா (ஆகஸ்ட்4) கொண்டாடப்படுகிறது. இந்நாளில் கருடனை வழிபட்டால் பயம் நீங்கும் என்பர்.