க.பரமத்தி: உப்புபாளையம் ஸ்ரீ மாரியம்மன் கோவில் திருவிழாவில், ஏராளமான பக்தர்கள் பங்கேற்று ஸ்வாமியை வழிபட்டனர்.க.பரமத்தி பஞ்சாயத்து யூனியன், குப்பம் பஞ்சாயத்து பகுதியில் பிரசித்தி பெற்ற உப்புமாரியம்மன் கோவில் திருவிழா கடந்த 8 ம் தேதி பூச்செரிதல் நிகழ்ச்சியுடன் துவங்கியது. 21 ம் தேதி மாவிளக்கு பூஜை, 22 ம் தேதி கொடுமுடியில் இருந்து, தீர்த்தம் கொண்டு வருதல், 23 ம் தேதி காலையில் கிடா வெட்டுதல், தேரோட்டம் மற்றும் மஞ்சள் நீராடுதல் நிகழ்ச்சிகள் நடந்தது.இதேபோல், பள்ள மருதப்பட்டி, தும்பிவாடி, கொளத்து பாளையம், ஆரியூர் ஆகிய பகுதிகளிலும் மாரியம்மன் கோவில் திருவிழாக்கள் வெகுசிறப்பாக நடந்தது.