காஞ்சிபுரம்: காஞ்சிபுரம் அஷ்டபுஜப்பெருமாள் கோவிலில், பிரம்மோற்சவ விழாவின் ஐந்தாம் நாளான, நேற்று காலை, நாச்சியார் திருக்கோலத்தில், பெருமாள் எழுந்தருளினார். காஞ்சிபுரம் அஷ்டபுஜப்பெருமாள் கோவில் பிரம்மோற்சவம், கடந்த 24ம் தேதி காலை, கொடியேற்றத்துடன் துவங்கியது. அன்று முதல் காலை, மாலையில் பல்வேறு வாகனங்களில், அஷ்டபுஜப்பெருமாள் எழுந்தருளி காட்சியளித்தார். ஐந்தாம் நாளான, நேற்று காலை, நாச்சியார் திருக்கோலத்தில், அஷ்டபுஜப்பெருமாள் எழுந்தருளினார். இரவு யாளி வாகனமும், ஆறாவது நாளான இன்று, வேணுகோபால் சுவாமி சாத்துப்படி, சூர்ணாபிஷேகம் உற்சவமும், இரவு, யானை வாகனமும் நடைபெறும். ஏழாவது நாளான, நாளை காலை, 6:30 மணிக்குள், திருத்தேர் புறப்பாடு நடைபெற உள்ளது. அன்று இரவு, அஷ்டபுஜப்பெருமாளுக்கு திருமஞ்சனம் நடைபெற உள்ளது.