சுங்குவார்சத்திரம்: சுங்குவார்சத்திரம் அடுத்துள்ள ஏலம்பாக்கம் கிராமத்தில், வரலாற்று சிறப்பு மிக்க, பாலாம்பிகை சமேத ஸ்ரீமருத்ஞ்ஜயர் கோவில் அமைந்து உள்ளது. பல்லவர் காலத்தில் கட்டப்பட்ட இந்த சிவாலயத்தை, புதுப்பிக்கும் பணிகள் நடைபெற்றன. அதைத் தொடர்ந்து, வரும், 2ம் தேதி, மகா கும்பாபிஷேகம் நடைபெற உள்ளது. இதை முன்னிட்டு, நாளை, 30ம் தேதி, கணபதி ஹோமத்துடன் கும்பாபிஷேக விழா துவங்குகிறது. ஒன்றாம் தேதி, இரண்டாவது கால பூஜையும், தீபாரதனையும் நடைபெறும். 2ம் தேதி, காலை, 8:00 மணிக்கு, மூலஸ்தான ஸ்தூபி கும்பாபிஷேகமும், 8:15 மணிக்கு, ஸ்ரீமருத்ஞ்ஜயர் மகா கும்பாபிஷேகமும், 8:25 மணிக்கு, ஸ்ரீ பாலாம்பிகை அம்பாளுக்கு கும்பாபிஷேகம் நடைபெற உள்ளது.