மந்த்ராலயம் : மந்த்ராலயத்தில் உள்ள ராகவேந்திர சுவாமி கோவிலில், 6 கோடி ரூபாய் மதிப்பில் கட்டப்பட்டுள்ள, "மகா முகத்வாரா என்ற மண்டபம் நேற்று முன்தினம் திறந்து வைக்கப்பட்டது. ஆந்திரா, கர்நூல் மாவட்டம், மந்த்ராலயம் நகரில், பிரசித்தி பெற்ற ராகவேந்திரா சுவாமி பிருந்தாவனம் அமைந்துள்ளது. ஆந்திரா, கர்நாடகா, தமிழகம் மற்றும் மகாராஷ்டிரா மாநிலங்களில் இருந்து, தினமும், 10 ஆயிரத்திற்கும் மேற்பட்டோர், இங்கு ராகவேந்திரரை தரிசிக்க வருகின்றனர். இந்நிலையில், ராகவேந்திர சுவாமிகளின் பக்தரும், தொழிலதிபருமான ரங்கண்ண கவுடா என்பவர், கோவில் வளாகத்தில், "மகா முகத்வாரா என்ற மண்டபம் கட்ட நிதியுதவி அளித்தார். அந்தமண்டபம் கட்டி முடிக்கப்பட்டு, நேற்று முன்தினம் அதை, ராகவேந்திர சுவாமி மடத்தின் பீடாதிபதி, சுயதிந்திர தீர்த்த சுவாமி திறந்து வைத்தார்.