பேட்டை: பேட்டையில் சைவசமய வளர்ச்சி மற்றும் திருமுறை எழுச்சி மாநாடு நடந்தது.பேட்டை அருகேயுள்ள சுத்தமல்லி விலக்கில், சைவ சமய வளர்ச்சி-திருமுறை எழுச்சியின் 6ம் ஆண்டு மாநாடு மற்றும் தீட்சை திருவிழா நடந்தது. முத்துக்குமார் தலைமை வகித்தார். முருகன் வரவேற்றார். பேராசிரியர் காளியப்பன் தாமிரபரணி மகாத்மியம் பற்றி வாழ்த்துரை வழங்கினார். திருமுறை ஆசிரியர் கிருஷ்ணமூர்த்தி, வள்ளிநாயகம் போன்றோர் மழைப்பதிகங்கள் பாடினார். மாநாட்டில் வள்ளிநாயகம் இறைவணக்கம் பாடினார்.தொடர்ந்து, செங்கோல் ஆதீனம் கல்யாண சுந்தர சத்திய ஞான தேசிய பண்டார சன்னிதானம் கலந்துகொண்டு சமய தீட்சை மற்றும் சீவதீட்சை அளித்து அருளாசி வழங்கினார். அதிக மார்க் பெற்ற மாணவ,மாணவிகளுக்கு புலவர் அகத்தீஸ்வரன் பரிசுகளை வழங்கினார். நயினார் நன்றி கூறினார்.விழாவில், ஏராளமான சிவனடியார்கள், திருவாசகம் முற்றோதுதல் குழுவினர், உழவாரப்பணி குழுவினர் பலர் கலந்துகொண்டனர்.