இள்ளலூர்: இள்ளலூர் துலுக்காணத்தம்மன் கோவிலில், கூழ் வார்த்தல் திருவிழா சிறப்பாக நடந்தது.திருப்போரூர் அடுத்த, இள்ளலூர், பெரியார் நகரில், துலுக்காணத்தம்மன் கோவில் உள்ளது. இக்கோவிலில், கூழ் வார்த்தல் திருவிழா, நேற்று முன்தினம் நடந்தது. பகல் 1:00 மணிக்கு, கூழ் வார்த்தல் நிகழ்ச்சியும், 2:00 மணிக்கு, கரக குடங்களின் ஊர்வலம் நடந்தது.வீடுகள் தோறும், மங்கள கோலமிட்டு, வேப்பிலை, மா தோரணமிட்டு, வழிபட்டனர். தப்பாட்டம் மற்றும் இன்னிசை வாத்திய கச்சேரி நடந்தது. இரவு, அம்மன் மலர் அலங்காரத்தில் பக்தர்களுக்கு அருள்பாலித்தார். இதில், ஏராளமான பக்தர்கள் கலந்து கொண்டு, அம்மனை வழிபட்டனர்.