திருப்பரங்குன்றம்: திருப்பரங்குன்றம் சுப்பிரமணிய சுவாமி கோயிலில் பங்குனித் திருவிழா கொடியேற்றத்துடன் தொடங்கியது. மார்ச் 20ல் சுப்பிரமணிய சுவாமி, தெய்வானை திருக்கல்யாணம் நடக்கிறது. காலை 8 மணிக்கு சுப்பிரமணிய சுவாமி, தெய்வானை கொடிக்கம்பம்முன்பு எழுந்தருளினர். சிவாச்சார்யார்கள் கொடிக்கம்பத்தில் பங்குனித் திருவிழாவிற்கான கொடியேற்றினர். கொடிகம்பத்தின் அடிப்பகுதியில், பால் உள்ளிட்ட திரவிய அபிஷேகங்கள் முடிந்து தீபாராதனைகள் நடந்தது. திருவிழா நம்பியார் சிவாச்சார்யாருக்கு பரிவட்டம் கட்டி மரியாதை செய்யப்பட்டது. கோயில் துணை கமிஷனர் பச்சையப்பன், பணியாளர்கள் கலந்து கொண்டனர். திருவிழா நடைபெறும் மார்ச் 22வரை காலையில்,, தங்க சப்பரம், தங்க பல்லக்கிலும், இரவில் தங்கமயில்,  தங்ககுதிரை, வெள்ளி பூத வாகனம், அன்னம், சேஷம், வெள்ளி யானை, வெள்ளி ஆட்டுக்கிடாய், பச்சைக்குதிரை வாகனங்களில் வீதி உலா நிகழ்ச்சியில் சுப்பரிமணிய சுவாமி, தெய்வான அருள்பாலிப்பர்.

திருக்கல்யாணம்: திருவிழாவின் முக்கிய நிகழ்ச்சிகளாக மார்ச் 17ல் பங்குனி உத்திரம், மார்ச் 19ல் பட்டாபிஷேகம், மார்ச் 20ல் திருக்கல்யாணம், மார்ச் 21ல் தேரோட்டம், மார்ச் 22ல் தீர்த்த உற்சவம் நடக்கிறது.