புதுச்சேரி: காளத்தீஸ்வரர் கோவில் கும்பாபிஷேக 11ம் ஆண்டு விழாவை முன்னிட்டு, 108 சங்காபிஷேகம் நடந்தது. புதுச்சேரி மிஷன் வீதியில் செட்டிக் கோவில்  என்றழைக்கப்படும்  காளத்தீஸ்வரர், வரதராஜப் பெருமாள் தேவஸ்தானத்தின், கும்பாபிஷேக 11ம் ஆண்டு விழா நேற்று முன்தினம் துவங்கியது.இதையொட்டி, மாலை 6.00 மணிக்கு அக்னி பிரதிஷ்டை, மகா சாந்தி ஹோமம்  நடந்தது.நேற்று காலை 7.30 மணி  யாகபூஜை, மகா  தீபாராதனை நடந்தது. காலை 10.30 மணிக்கு கலசம் புறப்பாடு, ஞானாம்பிகா சமேத காளத்தீஸ்வர சுவாமிக்கு 108 சங்காபிஷேகம் நடந்தது.இதில் திரளான பக்தர்கள் கலந்து கொண்டு தரிசனம் செய்தனர். விழா ஏற்பாடுகளை அறங்காவலர் குழுவினர் செய்திருந்தனர்.