புதுச்சேரி: மொரட்டாண்டியிலுள்ள, விஸ்வரூப மகா சனீஸ்வரன் கோவிலில் இன்று (13ம் தேதி), குரு பெயர்ச்சி யாகம் நடக்கிறது. புதுச்சேரி அருகே உள்ள மொரட்டாண்டியில், 27 அடி உயர விஸ்வரூப சனீஸ்வரர் கோவில் அமைந்துள்ளது. இந்தக் கோவிலில், குரு பெயர்ச்சியை முன்னிட்டு, மகா யாகம் மற்றும் லட்சார்ச்சனை, இன்று (13ம் தேதி) நடக்கிறது. காலை 9.00 மணிக்கு, கணபதி ஹோமம், நவக்கிரக ஹோமம், கோ பூஜை, மகாலட்சுமி ஹோமம் நடக்கிறது. மாலை 6.03 மணிக்கு, குருசாந்தி ஹோமம், நவக்கிரக சாந்தி ஹோமம், நட்சத்திர மற்றும் ராசி ஹோமம், தட்சிணாமூர்த்தி ஹோமம் நடக்கிறது. தொடர்ந்து ராசி பரிகார ஹோமம், 1008 குடம் பால் அபிஷேகம், 1008 கிலோ சுண்டல் நிவேதனம் நடக்கிறது. விழா ஏற்பாடுகளை, சிதம்பர குருக்கள், கீதாசங்கர குருக்கள், கீதாராம் குருக்கள் ஆகியோர் செய்துள்ளனர்.