செஞ்சி: செஞ்சி தாலுகா வடவெட்டி ரங்கநாதபுரத்தில் உள்ள அங்காளம்மன் கோவிலில் நேற்று முன்தினம் இரவு அமாவாசையை முன்னிட்டு  ஊஞ்சல் உற்சவம் நடந்தது. காலையில் அம்மனுக்கு சிறப்பு அபிஷேகம், அலங்காரம் செய்தனர். பகல் ஒரு மணிக்கு மகா தீபாராதனை நடந்தது.  இரவு 7 மணிக்கு அன்னதானம் வழங்கினர்.இரவு 8 மணிக்கு வாணவேடிக்கை, 10 மணிக்கு ஊஞ்சல் உற்சவம் நடந்தது. அங்காளம்மன் சிறப்பு  அலங்காரத்தில் எழுந்தருளினார். ஆயிரக்கணக்கான பக்தர்கள்  தரிசனம் செய்தனர். அறங்காவலர் புண்ணியமூர்த்தி மற்றும் விழா குழுவினர் கலந்து  கொண்டனர்.