நாமக்கல் : நாமக்கல் ஆஞ்சநேயர் கோவிலில், நேற்று உண்டியல் திறக்கப்பட்டு அதிலிருந்த, 16 கிராம் தங்கம், 198 கிராம் வெள்ளி, 27 லட்சத்து, 48 ஆயிரத்து, 547 ரூபாய் காணிக்கை, அரசு கணக்கில் செலுத்தப்பட்டது. நாமக்கல் ஆஞ்சநேயர் கோவிலுக்கு, தினமும், ஆயிரக்கணக்கான பக்தர்கள், வந்து செல்கின்றனர். ஸ்வாமிக்கு, விசேஷ தினங்கள் மட்டுமின்றி மற்ற தினங்களிலும், சிறப்பு அபிஷேகம், ஆராதனை, அர்ச்சனை, அலங்காரம், தங்கத்தேர், கவசங்கள் சாத்துதல் ஆகியவவை நடக்கிறது.பக்தர்களிடம் இருந்து பல பொருட்கள் காணிக்கையாக பெற்றாலும், அங்குள்ள உண்டியல் மூலமாக, பக்தர்கள் காணிக்கை செலுத்துகின்றனர். அந்த வகையில், நேற்று, ஹிந்து அறநிலையத்துறை அதிகாரி உதவி கமிஷனர் சபர்மதி தலைமையில், தக்கார் கிருஷ்ணன், மேற்பார்வையாளர் சூரியநாராயணன் முன்னிலையில், உண்டியல்கள் திறக்கப்பட்டது.கோவிலுக்கு வரும் பக்தர்கள் மற்றும் சுயஉதவிக்குழுவைச் சேர்ந்தவர்கள், உண்டியலில் உள்ள தங்க நகை, வெள்ளி பொருட்கள், பணம் ஆகியவற்றை தனித்தனியாக பிரித்து எண்ணினர். அதில், 16 கிராம் தங்கம், 198 கிராம் வெள்ளி, 27 லட்சத்து, 48 ஆயிரத்து, 547 ரூபாய், பக்தர்களின் காணிக்கையாக அதில் இருந்தது. பின்னர், அவை அரசு கணக்கில் செலுத்தப்பட்டது.உண்டியலை திறந்து எண்ணி முடிக்கும் வரை, ஹிந்துசமய அறநிலையத்துறை அதிகாரிகள் மற்றும் போலீஸார் பாதுகாப்பு பணியில் ஈடுபட்டிருந்தனர்.