திருநெல்வேலி : கருங்குளம் சுடலை மாட சுவாமி கோயிலில் வரும் 10ம் தேதி மகா கும்பாபிஷேகம் நடக்கிறது. தூத்துக்குடி மாவட்டம் செய்துங்கநல்லூரை அடுத்த கருங்குளத்தில் யாதவர் சமுதாயத்திற்கு பாத்தியப்பட்ட ஆற்றங்கரை சுடலை மாட சுவாமி கோயில் அமைந்துள்ளது. இந்த கோயிலில் திருப்பணிகள் செய்து மகா கும்பாபிஷேகம் நடத்த பெரியோர்களால் முடிவு செய்யப்பட்டது. அதன்படி வரும் 10ம் தேதி மகா கும்பாபிஷேகம் நடக்கிறது. கும்பாபிஷேக விழா நாளை (7ம் தேதி) துவங்குகிறது. காலை 8.30 மணிக்கு அனுக்ஞை, விக்னேஸ்வர பூஜை, புண்யாக வாசனம், கணபதி ஹோமம், நவக்கிரக ஹோமம், பூர்ணாகுதி நடக்கிறது. மாலை 6 மணிக்கு வாஸ்து சாந்தி, பிரவேச பலி, ம்ருத்சங்கரஹணம், அங்குரார்ப்பணம், ரக்ஷõபந்தனம், இரவு 7 மணிக்கு சுடலை மாட சுவாமிக்கு விசேஷ பூஜை, தீபாராதனை நடக்கிறது. 8ம் தேதி காலை 9 மணிக்கு சுதர்சன ஹோமம், ருத்ர ஹோமம், மகாலட்சுமி ஹோமம், கோ பூஜை, தன பூஜை, பூர்ணாகுதி, மாலை 5.30 மணிக்கு விசேஷசந்தி, பூத சுத்தி, கலா கர்ஷணம், கடம் யாகசாலை பிரவேசம், முதல் கால யாகசாலை பூஜை நடக்கிறது. 9ம் ÷தி காலை 8.30 மணிக்கு 2ம் கால யாகசாலை பூஜை, மாலை 6 மணிக்கு 3ம் கால யாகசாலை பூஜை நடக்கிறது. 10ம் தேதி காலை 6.30 மணிக்கு 4ம் கால யாகசாலை பூஜை, 9 மணிக்கு மகா பூர்ணாகுதி, யாத்ராதானம், 9.15 மணிக்கு கடம் புறப்பாடு, 10.35 மணிக்கு ஆற்றங்கரை சுடலை மாட சுவாமி, பரிவார தேவதைகளுக்கு மகா கும்பாபிஷேகம், 11 மணிக்கு மகா அபிஷேகம், அலங்காரம், மதியம் 12 மணிக்கு தீபாராதனை, மகேஷ்வர பூஜை, அன்னதானம் நடக்கிறது. ஏற்பாடுகளை கருங்குளம் ஆற்றங்கரை சுடலை மாட சுவாமி கோயில் கும்பாபிஷேக கமிட்டியினர் மற்றும் யாதவ சமுதாயத்தினர் செய்துள்ளனர்.