புதுச்சேரி: மணக்குள விநாயகர் கோவில் மண்டலாபிஷேக பூர்த்தி விழாவையொட்டி இன்று 108 கலச அபிஷேகம் நடக்கிறது.
புதுச்சேரி மணக்குள விநாயகர் கோவில் கும்பாபிஷேக விழா முடிந்து, 48 நாட்களுக்கு மண்டல அபிஷேகங்கம் நடந்தது. நேற்று மாலை நிறைவு விழா துவங்கியது. மாலை 6:30 மணிக்கு அனுக்ஞை, விக்னேஸ்வர பூஜை, மணக்குள விநாயகர் மற்றும் பரிவாரங்கள் வேதிகை பூஜை, விசேஷ திரவிய ஹோமமும் நடந்தது. இன்று 29ம் தேதி காலை 6:30 மணிக்கு, யாக பூஜை ஹோமம், காலை 9:00 மணிக்கு விசேஷ திரவிய ஹோமம், காலை 11:00 மணிக்கு, 108 கலச அபிஷேகம், காலை 12:00 மணிக்கு மூலவர் தீபாராதனை, இரவு 7:00 மணிக்கு உற்சவ மூர்த்தி வீதியுலா நடக்கிறது. விழா ஏற்பாடுகளை கோவில் நிர்வாக அதிகாரி கருணாகரன், அறங்காவல் குழுத்தலைவர் ராமச்சந்திரன் மற்றும் நிர்வாகிகள் செய்துள்ளனர்.