திருமாலுடன் எப்பொழுதும் உடனிருப்பவர் கருடன். இவரை பெரிய திருவடி என்பர். பெருமாளின் அடியார் என்பதால் கருடாழ்வார் என்று சிறப்பிப்பர். பெருமாள் கோயில்களில் மூலவர் கருவறை எதிரே கைகூப்பிய நிலையில் இவரைக் காணலாம். வளர்பிறை பஞ்சமி திதி இவரை வழிபட நல்ல நாள். பாம்பு கனவில் வந்தாலோ அல்லது கண்ணில் பட்டாலோ கருடனை வழிபடுவதுண்டு. ஆழ்வார்களில் பெரியாழ்வார் கருடனின் அம்சமாகத் தோன்றியவர். மற்ற கோயில்களில் பெருமாள் எதிரே இருக்கும் கருடாழ்வார், ஸ்ரீவில்லிபுத்துõரில் பெருமாள் மற்றும் ஆண்டாளின் அருகிலேயே இருக்கிறார். ஆதிமூலமே என்று அழைத்த கஜேந்திரன் என்னும் யானையின் துன்பத்தை தீர்க்க பெருமாள் கருடன் மீது விரைந்து வந்து அருள்செய்தார். பக்தர்களின் துயர் போக்கிட எப்போதும் விரித்த சிறகுகளுடன் கருடாழ்வார் வைகுண்டத்தில் காத்திருக்கிறார் என்பது ஐதீகம்.