அய்யன் வாரார்
மெய்யன் வாரார் - அழகர்
கோயில் மலை இறங்கிக்
கறுப்பர் வாரார்
எங்கள் கறுப்பர் வாரார்.    (அய்யன்)

வல்லவேட்டிப் பட்டுடுத்தி
வரிசைமணி நூலணிந்து
அண்ணன் வாரார்- ஆகாயக்
கறுப்பர் வாரார்        (அய்யன்)

வீச்சரிவாள் கையிலேந்தி
வேகமான குதிரைஏறி
வள்ளல் வாரார்-ஆவடிக்
கறுப்பர் வாரார்        (அய்யன்)

பூச்சொரியும் பார்வையுடன்
புகழ்விரிக்கும் சேவையுடன்
மன்னன் வாரார்- தொட்டியக்
கறுப்பர் வாரார்        (அய்யன்)

முறுக்குமீசை துடித்திருக்க
முந்திவரும் அடியெடுத்து
அய்யன் வாரார்- வையக்
கறுப்பர் வாரார்        (அய்யன்)

சாம்பிராணி வாசத்திலே
ஜவ்வாதுப் பொட்டிட்டு
செல்வர் வாரார் - சோணைக்
கறுப்பர் வாரார்        (அய்யன்)

செங்கரையில் மேலேநின்று
செல்வமெலாம் தந்துநின்று
முன்னே வாரார் - முன்னோடிக்
கறுப்பர் வாரார்        (அய்யன்).