திருப்பூர் ·:ஸ்ரீஐயப்ப பக்த ஜன சங்கம் மற்றும் ஸ்ரீதர்மசாஸ்தா டிரஸ்ட் சார்பில், திருப்பூர் காலேஜ் ரோட்டில் உள்ள ஸ்ரீஐயப்பன் கோவிலில், இன்று முதல் வரும், 28 வரை, ஸ்ரீமத் பாகவத புராண சொற்பொழிவு மற்றும் சிறப்பு பூஜை நடைபெறுகிறது. தினமும் காலை, 6:30 மணிக்கு சங்கல்பம், 7:00 முதல் 11:30 வரை, மூல பாராயணம், பகல், 12:30க்கு தீபாராதனை நடக்கும். மாலை, 6:00க்கு விஷ்ணு சகஸ்ரநாமம் பாராயணம், 6:30ல் இருந்து, 8:30 வரை, ஸ்ரீமத் பாகவத சொற்பொழிவு நடைபெற உள்ளது; கடலூர் முரளிதர சர்மா, சொற்பொழிவு நிகழ்த்துகிறார்.நிகழ்ச்சி ஏற்பாட்டாளர்கள் கூறுகையில், ‘ஸ்ரீமன் நாராயணனின், 18 புராணங்களில் கடைசியாக எழுதப்பட்டது, ஸ்ரீமத் பாகவத மகாபுராணம். இதை கேட்பதால், குல தெய்வமும், முன்னோர்களும், தேவதைகளும் திருப்தி அடைகின்றனர். கிருஷ்ண பகவானின் அருள், பரிபூரணமாக கிடைக்கும்,’ என்றனர்.