கடலூர்: கடலூர் கூத்தப்பாக்கம் ராகவேந்திர சுவாமிகள் கோவிலில் ஆராதனை விழா நாளை துவங்குகிறது.  கடலூர் கூத்தப்பாக்கத்தில் உள்ள  ராகவேந்திர சுவாமிகள் கோவிலில் 344ம் ஆண்டு ஆராதனை விழா நாளை (30ம் தேதி) துவங்கி வரும் 1ம் தேதி வரை 3 நாட்கள் நடத்த ஏற்பாடு  செய்யப்பட்டுள்ளது. இதனை முன்னிட்டு தினமும் அதிகாலை 5:00 மணிக்கு சுப்ரபாதம், நிர்மால்யம், வேத பாராயணம், 9:30 மணிக்கு சிறப்பு அ பிஷேகம், பூஜை, பகல் 12:00 மணிக்கு அலங்காரம், ஹஸ்தோதகம், இரவு 8:30 மணிக்கு ஸ்வஸ்தி, பல மந்த்ராட்சதை நடக்கிறது. தொடர்ந்து 30ம் ÷ ததி மாலை 6:00 மணிக்கு கோபி பாகவதர் குழுவினரின் பாண்டுரங்க லீலை நிகழ்ச்சி, 31ம் தேதி காலை 9:00 மணிக்கு பாலச்சந்தர், பாலமுருகன்  குழுவினரின் நாதஸ்வர இசை, மாலை 6:30 மணிக்கு முரளீதர சர்மாவின் சொற்பொழிவு, 1ம் தேதி மாலை 6:00 மணிக்கு ராகவேந்திர சுவாமி பஜனா  மண்டலி குழுவினரின் ஹரிநாம சங்கீர்த்தனம் நடக்கிறது.  ஆராதனைக்கு பச்சரிசி, பருப்பு, வெல்லம், பால், நெய், தேன் மற்றும் அபிஷேக திரவிய ங்கள் வரவேற்கப்படுகின்றன. விழா ஏற்பாடுகளை ஸ்ரீமத்வ சித்தாந்த சேவா சங்கத்தினர் செய்து வருகின்றனர்.