பரங்கிப்பேட்டை: பரங்கிப்பேட்டை பாபாஜி கோவிலில் நேற்று அவரது 1812 வது பிறந்த நாள் விழாவையொட்டி ஏராளமான பக்தர்கள் சுவாமி தரிசனம் செய்தனர். பரங்கிப்பேட்டை சுங்க அலுவலகம் அருகே பாபாஜி கோவில் உள்ளது. இங்கு, ஆண்டுதோறும் கார்த்திகை மாதம் ரோகிணி நட்சத்திரத்தில் பிறந்த நாள் விழா கொண்டாடப்பட்டு வருகிறது. இந்தாண்டு பாபாஜியின் 1812வது பிறந்த நாள் விழா நேற்று கொண்டாடப்பட்டது. அதையொட்டி, பாபாஜிக்கு சிறப்பு அபிஷேகம், அர்ச்சனை, ஆராதனை நடந்தது. திரளான பக்தர்கள் பாபாஜியை வழிபட்டனர். மதியம் 12:00 மணிக்கு பக்தர்களுக்கு அன்னதானம் வழங்கப்பட்டது. 3:00 மணிக்கு துவங்கிய கிரியா யோக யாகம், நாளை (28ம் தேதி) அதிகாலை 3:00 மணி வரை நடக்கிறது. உள்ளூர் மற்றும் வெளி நாடுகளில் இருந்து ஏராளமான பக்தர்கள் சுவாமி தரிசனம் செய்தனர். விழா ஏற்பாடுகளை இண்டர்நேஷனல் கிரியா யோக  சங்கத்தினர் செய்தனர்.