புதுச்சேரி: நாணமேடு சொர்ணபைரவர் கோவிலில் இன்று அஷ்டமி மகா யாகம் நடக்கிறது.
இடையார்பாளையம் நாணமேடு சப்தகிரி நகரில் உள்ள சொர்ண பைரவர் கோவிலில் இன்று 2ம் தேதி மதியம் 3 மணியளவில் கணபதி ஹோமம், சொர்ணாகர்ஷன பைரவ மகாமந்திர ஹோமம், அஸ்திர ஹோமம், மகா பூர்ணாஹூதி மற்றும் மகா அபிஷேகம், அலங்காரம், அன்னதானம் நடக்கிறது. நாளை 3ம் தேதி மதியம் 3:30 மணிக்கு சத்குரு சேஷாத்திரி சுவாமிக்கு 87வது ஆராதனை விழா, சிறப்பு மகா அபிஷேகம், குருபாதுகா அபிஷேகம், வேதபாராயணம், சிறப்பு பூஜைகள், குரு பாதுகா பூஜை, அன்னதானம், ஆன்மிக சொற்பொழிவுகள் நடக்கிறது. பூஜை ஏற்பாடுகளை கோவில் ஸ்தாபகர் முத்து குருக்கள் செய்து வருகிறார்.