*எல்லா உயிர்களையும் நேசித்து வாழுங்கள். அன்பே உலகின் மகாசக்தியாகும். இதை அறிந்தவன் வாழ்வே அர்த்தம் நிறைந்ததாக இருக்கும்.
*ஒழுக்கமின்றி நுõறு ஆண்டு வாழ்வதைக் காட்டிலும் ஒழுக்கத்துடன் ஒருநாள் வாழ்வது சிறப்பு மிக்கது.
*விழிப்புடன் செயல்பட்டால் வாழ்க்கை சுமையில் இருந்து விடுபடலாம்.
*நல்லவர்கள் இமயமலை போல, காண்பவர்கள் அனைவர் கண்களுக்கும் மகிழ்ச்சியளிப்பர். தீயவர்களோ இருளில் எய்த அம்பு போல இருக்கும் இடம் தெரியாமல் மறைந்து போவர்.
*உதடுகள் அரண்மனைக்கதவு போல பாதுகாப்பாக இருக்க வேண்டும். வாயிலிருந்து வெளிப்படும் ஒவ்வொரு சொல்லும் அமைதியையும், நிம்மதியையும் தருவதாக அமைய வேண்டும்.
*நோயற்ற வாழ்வே பெரிய பாக்கியம். திருப்தியே மிகப் பெரிய செல்வம். நம்பிக்கைக்கு உரியவரே நல்ல உறவினர்.
*வாசனை மலர்களின் நறுமணம் காற்றடிக்கும் திசையில் மட்டுமே பரவும். ஆனால் நல்லோரின் புகழ் நாலாதிசைகளிலும் பரவி விடும்.
*பொறாமை, பேராசை, தீய ஒழுக்கம் போன்ற தீய குணங்களை கொண்ட மனிதர்கள் உடல் அழகாலும், பேச்சாலும் மட்டும் நல்லவர்களாகி விட முடியாது.
*துன்பங்களில் இருந்து விடுதலை பெற வேண்டியது உங்களின் பொறுப்பு. உங்களுக்காக இன்னொருவர் அந்த வேலையைச் செய்ய முடியாது.
*பிறருக்கு கொடுத்து மகிழ்வதே உண்மையான இன்பம். தயாள குணமும், பரோபகாரமும் ஆன்மிக முன்னேற்றத்திற்கு துணை நிற்கும்.
*உங்களுடைய வார்த்தைகளைக் கொண்டு ஒருவரை மற்றொருவருக்கு எதிராகத் திருப்புவது நல்லதல்ல. உங்களின் பேச்சு சமாதானத்திற்கு வழிவகுப்பதாக இருக்க வேண்டும்.
*பொய்யை உண்மையைப் போல திரித்துக் கூற வேண்டாம். பிறர் மனம் நோகும் விதத்திலும் பேச வேண்டாம். உண்மையையும், பயனுள்ள விஷயத்தை மட்டுமே பேசுங்கள்.
*தோன்றிய அனைத்தும் என்றாவது ஒருநாள் அழிந்தே தீரும். அழிவது பற்றிக் கவலைப்படுவது அறிவுடைமையாகாது.
*துன்பத்தின் தன்மையை அறிந்து அதை ஒழிக்கும் வழியை காண்பவனே ஞானி. அதைக் கண்டு துவள்பவன் வாழ்வில் தோல்வியைச் சந்திப்பான்.
*உண்மையை யாராலும் மறைக்க முடியாது. தீமைகளில் இருந்து விடுவித்து நன்மையை அளிக்கும் உண்மையைப் பரப்ப உறுதி கொள்ளுங்கள்.
*மூடத்தனமான சடங்கு சம்பிரதாயங்களில் நம்பிக்கை வைக்கக் கூடாது. நல்லொழுக்கமும், நற்பண்புகளும் மனித வாழ்வை மேம்படுத்தும்.
*உலகத்தோடு ஒட்டி இருக்க வேண்டியது தான். அதேநேரம் அதிலிருந்து விலகி இருக்கவும் கற்றுக் கொள்ள வேண்டும்.  (மகான் புத்தர்)