தேவேந்திரனும், ஜெயந்தனும் சாபத்தின் காரணமாக காரி, சாத்தான் என்னும் பெயரில் பூலோகத்தில் வேடர்களாகப் பிறந்தனர். இந்திரனின் வாகனமான ஐராவதமும் காட்டில் யானையாகத் திரிந்தது. முன்வினைப் பயனால், அந்த யானைக்கு காட்டில் இருந்த சிவலிங்கத்தை தினமும் வலம் வந்து வழிபடும் பாக்கியம் கிடைத்தது. ஒருநாள் யானையைக் கண்ட வேடர்கள் அதைக் கொல்ல முயன்றனர். உயிருக்குப் பயந்த யானை சிவபெருமானைச் சரணடைந்தது. அப்போது சிவன் நேரில் தோன்றி வேடர்களுக்கும், யானைக்கும் சாப விமோசனம் அளித்தார்.  யானை சிவனைச் சுற்றி வந்து வழிபட்டதால் இத்தலத்திற்கு கரிவலம்வந்தநல்லூர் என பெயர் ஏற்பட்டது. கரி என்றால் யானை. இங்கு பால்வண்ணநாதர் என்னும் பெயரில் சிவன் லிங்க வடிவில் அருள்பாலிக்கிறார். மதுரையில் இருந்து சங்கரன்கோவில் செல்லும் வழியில் 105 கி.மீ., துõரத்தில் இவ்வூர் உள்ளது. இங்கு ஏப்.2 முதல் 14 வரை பங்குனி பிரம்மோற்ஸவம் நடக்கிறது. விழாவில் வேத சம்ரக்ஷண சபா சார்பில் யஜுர்வேத பாராயணம் நடக்க இருக்கிறது. பங்கேற்க விரும்புவோர் 70940 63874, 98430 14721 என்ற எண்களில் தொடர்பு கொள்ளலாம்.