ஆர்.கே.பேட்டை : ராம நவமியை ஒட்டி, நாம ஸ்துாபியில், நாம சங்கீர்த்தனம் மற்றும் திருக்கல்யாண வைபவம் நடந்தது. கே.ஜி.கண்டிகை அடுத்த, டி.சி.கண்டிகை கிராமத்தில், ராம நாம ஸ்துாபி உள்ளது. 20 லட்சம் ராம நாமங்களை கொண்ட இந்த ஸ்துாபி, 54 சக்தி பீடங்களின் மண், கயிலை மானசரோவர் உட்பட இமயம் முதல், குமரி வரையிலான புண்ணிய தீர்த்தங்களை கொண்டு அமைக்கப்பட்ட சிறப்பு கொண்டது. இந்த ஸ்துாபியில், ராம நவமியை ஒட்டி, நேற்று, சிறப்பு நாம சங்கீர்த்தனம் நடந்தது. காலை, 6:00 மணி முதல், மாலை, 6:00 மணி வரை ராம நாம அகண்ட பாராயணமும், மாலை, 6:00 மணிக்கு, காஞ்சி காமகோடி இசைப்பள்ளி மாணவியரின் அரிநாம சங்கீர்த்தனமும் நடந்தது. அதை தொடர்ந்து, சீதா ராமர் திருக்கல்யாண வைபவம் நடைபெற்றது.