உண்மைதான். ஆனால், எதற்காக எடுக்கிறோம் என்பதையும் பார்க்க வேண்டும். அன்று முழுவதும் நம்மிடம் உழைத்து வேலை பார்த்து உழைத்து நிற்பவர்களிடம் விளக்கு வைத்தாகி விட்டது, நாளை சம்பளம் தருகிறேன் என்று சொல்லக்கூடாது. அவசர சிகிச்சைக்காக செல்ல வேண்டி பணம் கேட்பவர்களுக்கும் இதுபோல சொல்லக்கூடாது. சாதாரண செலவு விஷயங்களில் இதுபோல சொல்லலாம். விளக்கு வைக்கும் நேரத்தில் நம் வீட்டிற்கு மகாலட்சுமி வருகிறாள். நம் வீட்டு பணப்பெட்டி, அரிசிப்பானை, விளக்கு, மாட்டுத்தொழுவம், சுமங்கலிப் பெண்கள், கைக்குழந்தைகளிடம் மகாலட்சுமி வாசம் செய்கிறாள். எனவே தான் மேற்கூறியவை விளக்கு வைத்த பின் வெளியே செல்ல வேண்டாம் அல்லது கொடுக்க வேண்டாம் எனக் கூறப்பட்டது.